Donostiako Zurich Maratoia 45. ediziora iritsiko da 2023an eta gaur irekiko du izena emateko epea

• Proba azaroaren 26an izango da, igandean, eta hiru distantzia izango ditu berriro: Maratoia, Maratoi erdia eta 10K
• Iazko edizioaren arrakastaren ondoren, Donostiako erdigunean irteera eta helmuga duen zirkuitu berritua mantenduko da
• Lehenengo izen-emateak, promozio-prezioa izango dute distantzia bakoitzean izena eman duten lehenengo 500 pertsonentzat, eta prezio berezia gipuzkoarrentzat.

22.02.2023 – 2023 Donostiako Zurich Maratoiak 3 distantzietarako izen-emateak irekiko ditu gaur: 42, 21 eta 10 kilometro. Espainiako bigarren maratoirik zaharrenak 45. urteurrena du aurten, eta sasoi betean da, 2022an 6.000 dortsalak agortu eta Sirwanei Taniu kenyarrak emakumezkoen probako errekorra hautsi ostean.

Irteera eta helmuga Donostiako erdigunean mantenduko dira
Aurreko edizioaren arrakastaren ondoren, 2022an estreinatutako zirkuituari eutsi zaio, hobekuntza batzuekin, non berrikuntza nagusia irteera eta helmuga Donostiako erdigunera eramatea izan zen. Zirkuitu guztiz hiritarra, laua eta turistikoa da, eta Donostiako Zurich Maratoiak nazioarteko izaera indartu zuen, % 40ko atzerriko parte-hartzailekin eta 52 herrialde ordezkaturekin. Zirkuituari esker, bertakoek eta kanpotarrek munduko hiririk politenetako batetik korrika gozatu ahal izan zuten, Flight Network online bidaia-agentziak 2019an egindako rankingaren arabera. Zirkuituak Donostia erdialdeko kale nagusiak zeharkatzen ditu, punturik esanguratsuenez gozatzeko aukera emanez.

Hernani kaletik, Donostiako erdigunean, udaletxearen eta Alerdi Ederreko lorategien ondoan egiten den irteera da agertokirik onena, korrikalariek irteera baino lehen jendearen babesa senti dezaten. Ibilbide osoko 3 itzulietan zehar, ibilbide labur bat eta bi itzuli luze asimetriko egiten dira, eta lehenengo kilometroetan hiriaren erdiguneko kale nagusiak zeharkatzen dira, Askatasunaren etorbidetik Kontxara eta Antigua auzora bideratu aurretik. Itzultzean, lasterketa Amara, Anoeta, erdialdea eta Gros auzoetatik igaroko da, eta Vitoria Eugenia Antzokia, Anoeta estadioa, Artzain Onaren Katedrala, Kursaala eta Gipuzkoa Plaza bezalako eraikin ospetsuen aurretik igaroko da. Hirugarren itzulia bukatutakoan, zuzengune bikain batez gozatu ahal izango duzu, kilometro bat baino gehiagokoa, Boulevardean zehar, erabat laua helmugaraino eta gipuzkoarren berotasunak babestuta.

Izena ematen duten lehenengoentzat eta gipuzkoarrentzako promozio-tarifak
Donostiako Zurich Maratoiaren aurtengo nobedadea da hiru distantzien prezio-aldaketak data-tarteen eta partaidetza-kupoen arabera markatuko direla, eta saldutako 500 dortsaletik behin prezioa aldatuko dela. Helburua izena ematen duten lehenagoentzat saria ematea da, maratoiko, maratoi erdiko eta 10K-ko lehen 500 dortsaletarako promozio-tarifa bat izan dezaten. Era berean, Gipuzkoako atletek prezio murriztua izango dute maiatzaren 31ra arte.
Prezioetan, dortsalaz gain, txipa eta opari-kamiseta ere sartzen dira, eta zerbitzu ugari eskaintzen dira, hala nola istripuetarako aseguru pribatua, kontsigna, dutxak, doako hiri-autobusak, ibilbideko eta helmugako hornidurak, finisher domina, errekuperazio- eta masaje-gunea, etab.

Edizio honetan, zirkuituaren barruko korrikalarien fluxua errazteko, maratoi erdirako muga-denbora zorrotzagoa egongo da, eta 2 orduko gehieneko denbora izango du amaitzeko. Halaber, 10K-ko 5 kilometroek 40 minutu gehinezko denbora izango du.