Ibilbidea
Noiz
22/11/2026
Ordua
9:00h
Irteeraren kokapena
Hernani kalean
Distantzia
42,195km
Zerk ezaugarritzen du Maratoiaren ibilbidea?
2022an estreinatu zen zirkuitu berria, zirkuitu zentrikoagoa, turistikoagoa, azkarragoa eta are lauagoa dela berretsi zuen. Ezin hobea korrikalari gisa gozatzeko eta ikusleen beroa sentitzeko.
Maratoia Hernani kalearen inguru pribilegiatutik aterako da, hiriaren erdi-erdian, udaletxearen eta Alderdi Ederreko lorategien ondoan. Lasterketak Boulevard etorbide enblematikoan izango du helmuga. Ibilbideak 3 bira ditu. Bira labur bat eta bi bira luze asimetrikoak izango dira. Lehenengo kilometroak hiriaren erdiguneko kale nagusietatik eta Urumea ibaiaren ondoko pasealekutik joango dira. Handik Askatasunaren hiribidetik Kontxa eta Antigua auzorantz joango da. Kontxako badiatik itzultzean, Amara, Anoeta, erdialdea eta Gros auzoetatik igaroko da lasterketa, eraikin enblematikoen aurretik pasatuz. Hala nola Vitoria Eugenia Antzokia, Anoeta estadioa, Artzain Onaren Katedrala, Kursaal edo Gipuzkoa Plaza. Hirugarren itzulia amaitzean, kilometro bat baino gehiago duen zuzengune zoragarriaz gozatu ahal izango duzu helmugara arte, gipuzkoarren beroak babestuta.
Irteerak
Parte-hartzaile guztien esperientzia hobetzeko, irteera mailakatuak antolatuko dira izen-ematean adierazitako aurreikusitako erritmoaren arabera. Neurri honen helburua pilaketak saihestea eta korrikalarientzako ibilbide arinago eta erosoagoa bermatzea da.
Lasterketako erritmo-markatzaileak (liebreak)
Helburu desberdinetara egokitutako 8 erritmotan lagunduko dizuten 35 erritmo-markatzaile egongo dira: 2h 45’, 3h, 3h 15’, 3h 30’, 3h 45’, 4h, 4h 30’ eta 5h.
