28 Azaroa 2021

EU | ES

Gizarte inklusioa

Donostiak beti bere aurpegi irekia erakutsi dio munduari, aurpegi inklusibo eta tolerantea baita aniztasun sozial eta etnikoarekiko, arraza edo kulturekiko. Donostiako Zurich Maratoian goitik behera egiten dugu bat balio horiekin eta, horregatik, gure asmoa denontzako proba bat sortzea da, hau da, pertsona guztiak, duten adina dutela, ongietorriak izango diren proba bat sortzea.

Ildo beretik, lasterketak gizonezkoen eta emakumezkoen arteko genero berdintasunarekiko konpromisoa erakusten du, kirola jende guzti-guztiari zabaltzeko borondatea. Probaren ikuspegi inklusiboak ezin du alde batean utzi atletismoaren festa handi honetan desgaitasuna duten pertsonek parte hartzea.

Horretarako, Donostiako Zurich Maratoiak hiru desgaitasun maila antolatzen ditu: gurpil-aulkia, ikusteko desgaitasuna eta adimen desgaitasuna. Eta, horretaz gain, ziurtatu egiten du probarako diseinatutako gune guztiak, korrikalariaren feria kasu, irisgarriak izatea. 

“Bultza egindako gurpil-aulkian” diren pertsonen partaidetza ere jasotzen da, joan-etorriak eragozten dizkien desgaitasun edo gaitzen bat duten pertsonentzat. Izan ere pertsona horiek, partaidetzaren bidez, kirolaren festa handi honen protagonista bihurtzen dira era berean eta, gainera, aukera dute senide eta lagunekin batera disfrutatzeko.

Oraindik ez duzu izena eman?

Aldaketa globalak norberak egindako pausoarekin hasten dira: heldu erronkari.

Main Sponsor

Institutional Partner

Main Partner

  • el-diario-vasco-ssm

Official partner

  • finisher

Official Supplier