27 Azaroa 2022

28 de November de 2022

Rebecca Sirwaneik Donostiako Zurich Maratoiko errekorra ezarri du, 02:23.09ko denborarekin

  • Rebbeca Sirwanei Tanui kenyarraren denbora bikaina (02:23.09h) lorpen historikoa izan da Donostian, eta lasterketaren errekor berria ezarri du
  • Sisay Fekadu Berhanu izan da Donostiako Zurich Maratoiaren irabazlea, 02:13:29ko denborarekin.
  • 6.000 korrikalarik hartu dituzte hiriko kaleak, 10keta 21k lasterketetan eta maratoian.

Donostiako Zurich Maratoiaren 44. edizioa runningaren jai handia bihurtu da asteburuan. Uste baino lehenago zintzilikatu behar izan zuten antolatzaileek SOLD OUT kartela, agortu egin baitziren 6.000 dortsalak, eta gaur, hiriak egun handi hau ospatu du; jendeak ez du etxean nahi izan, kalera atera dira herritarrak eta goizean goizetik jardun dute atletak animatzen.

Emakumeen lasterketa bikaina: Rebecca Sirwaneik eta Gladys Chepkuruik lasterketako emakumeen aurreko errekorra hautsi dute.

Zerua estalita, 10 graduko tenperaturarekin eta haizerik gabe, korrika egiteko baldintza ezin hobeekin, abiatu dira 42k eta 21k lasterketetako 5.000 korrikalari baino gehiago. Berehala ikusi ahal izan da eliteko emakumeek erritmo oso ona jartzen zutela hasieratik. Taldean joan dira 5. Kilometrora arte; han, Gulume Tollesa faboritoa atzean gelditu da, eta erritmoa markatzen jarraitu dute Rebbeca Sirwanei eta Gladys Chepkurui kenyarrek, Zenebu Bihonegn eta Ebesie Ayele etiopiarrekin eta Euliter Jepchirchir korrikalari kenyarrarekin batera. 15. kilometroan, berriz, Ebesie Ayele gelditu da atzean, eta 20. Kilometroan egin du Rebecca Sirwaneik erritmo-aldaketa, Gladys Chepkuruik eta Zenebu Bihonegnek bakarrik eutsi ahal izan diotena.

Kilometro gutxi batzuk aurrerago, Rebecca Gladysek atzean utzi du Zenebu, eta azken horrek, aldi berean, Euliter Jepchirchirrek hirugarren postua kentzen ziola ikusi du. 38. kilometroan, azkeneko sakada egin zu Rebecca Sirwanei, eta bakarrik ihes egin du helmugarantz; 02:23.09h denbora bikainarekin iritsi da. Gladys bere herrikidea iritsi da ondoren helmugara, denbora bikainarekin hura ere (02:26.21h), biak ere Ana Isabel Alonso korrikalari espainiarrak 1995ean ezarritako errekorra (02:26:51h) hobetzen duten denborak. Euliter Jepchirchir korrikalaria helmugaratu da hirugarren tokian (02:28.20h).

Irabazlea pozik azaldu da lasterketa amaitu ondoren: “Lasterketa ikaragarria izan da; Donostiara iritsi nintzenean, euria ari zuen, baina eguraldi ona izan dugu lasterketa guztian zehar. Oso esker oneko nago, Donostian debuta egin eta irabazi izanagatik. “

Gizonezkoen kategorian, lasterketa laua egin du afrikar eliteak, ezusteko handirik gabe. Taldean joan dira 21. kilometrora arte; 1:05.03ko denbora markatu dute puntu horretan, eta une hartan egin diote taldeari ihes lasterketa lehenengo bost postuetan amaitu duten korrikalariek.

Elkarrekin joan dira amaierara arte eta, azkenean, Sisay Fekadu Berhanu etiopiarra izan da garaile (02:13.29h), Melese Kifle Dendir etiopiarra helmugaratu da bigarren postuan (02:13.39h), eta Dereje Adugna Debela (02:13.39h) hirugarrenean.

Donostiako Zurich Maratoiko 21k lasterketako irabazleak

Unai Arroyo izan da garaile 21k lasterketan; 01:05.08ko denborarekin; distantzia horretan emakumerik azkarrena, berriz, Fanny Tastet izan da: 01.23.21eko denborarekin gelditu du kronometroa.

Gipuzkoako Maratoi txapelketa

Donostiako Zurich Maratoiak erabaki du Gipuzkoako maratoi txapelketa ere; Endika Donnay Otegui bergarar korrikalaria jarri du lehen postuan, 02:28:59ko denborarekin, eta Jon Arzubialde Elizegi (2:34.11h) eta Guillermo Vahl Pedrosa (2:37:08h) ondoren.

Emakumezkoen kategorian, berriz, Nerea Egiak irabazi du txapelketa (02:56.24h), Eva Esnaola izan da bigarren postua lortu duena (03.31.49) eta Alazne Mujika hirugarrena (03:32.15h).

ExpoSports eta Gosaria Run

Maratoia jokatu aurreko egunean, Abel Antón eta Rocío Cano izan genituen Gosaria Run baterako entrenamenduan; 200 parte-hartzailek 7 kilometroko irteera egin zuten eta, nola ez, Kontxako hondartzatik igaro ziren.

Halaber, Kursaal jauregian, erakusketari eta Donostiako Zurich Maratoiko parte-hartzaile ugari elkartu zituen Expo Sportsek; egun osoan zehar igaro ziren korrikalariak, haien dortsalak eta elastikoa jasotzera. Donostiako Zurich Maratoiaren webgune ofizialean kontsulta daitezke sailkapen guztiak: https://zurichmaratonsansebastian.com/

Azken albisteak

Rebecca Sirwaneik Donostiako Zurich Maratoiko errekorra ezarri du, 02:23.09ko denborarekin

Donostiako Zurich Maratoiaren 44. edizioa runningaren jai handia bihurtu da asteburuan. Uste baino lehenago zintzilikatu behar izan zuten antolatzaileek SOLD OUT kartela, agortu egin baitziren 6.000 dortsalak, eta gaur, hiriak egun handi hau ospatu du; jendeak ez du etxean nahi izan, kalera atera dira herritarrak eta goizean goizetik jardun dute atletak animatzen. Emakumeen lasterketa bikaina: […]

Irakurri gehiago

Plangintza

Donostiako Zurich Maratoirako prestaketarako berariazko 12 asteak daude. Gure coacharen plangintza jarraitu baduzu, 3. entrenamendu-astea amaitzear gaude. Garrantzitsua da kontuan izatea plangintza hori prestatuta dagoela zerotik abiatzen ez diren lasterkarientzat, baizik eta planifikazioaren aurreko azken lau asteetan gutxienez entrenatzen aritu den lasterkari aktiboa zarete. Karga inkrementaleko asteak dira plangintzaren ezaugarriak. Entrenamenduak gero eta gogorragoak dira, […]

Irakurri gehiago

Entrenamenduetara itzultzeko aholkuak

Litekeena da oporren ondoren errutinara itzultzeko zailtasunak izan ditzazun; zenbat eta lehenago hasi entrenatzen, orduan eta errazagoa egingo zaizu sasoia berreskuratzea. Irailak ikasturte berriaren hasiera markatzen du.Denboraldi berri baten hasiera eta, oporren ondoren, errutinetara itzuli behar izaten gara, bai profesionaletara, bai entrenamenduetara. Zuetako batzuek beste leku batzuetan kirola egiteko edo beste diziplina batzuk ezagutzeko aprobetxatuko […]

Irakurri gehiago

Main Sponsor

Institutional partner

Main Partner

Official Partner

Official Supplier

Charity Partner