24 Azaroa 2024

16 de February de 2023

Z Zurich Foundationek euro 1 emango du Zurich Donostiaren Maratoiaren finisher bakoitzeko, Zurich Segurosek babestua

  • Hiru urtez irabazi asmorik gabeko erakundeei 750.000 euro ematea espero dute
  • Babesten dituen 17 lasterketa bakoitzeko, ongintzako antolakunde edo kausa bat aukeratuko da.

Zurich Aseguroak beste urrats bat eman du kirolarekiko eta elkartasunarekiko konpromisoan, Z Zurich Foundationek bultzaturikoa, running proiektu solidario bat abian jarriz. 2020tik, Z Zurich Foundationek Espainian runningean elkartasuna garatzen laguntzea izan zuen helburu, eta aurten bere konpromisoa berritu du, Espainian babesten dituen maratoi, maratoi erdi eta Emakumearen lasterketetan helmugara iristen den parte-hartzaile bakoitzeko euro 1 emanez. Guztira 17 proba egingo dira, eta horietan bildutako dirua lasterketa bakoitzaren arabera aukeratutako ongintzazko kausetara bideratuko da. Ekintza honen bidez, Z Zurich Foundation elkarteak 750.000 euro bideratuko ditu irabazi-asmorik gabeko erakundeetara proiektu solidario honek iraungo duen hiru urteetan.

Azken urteotan, Zurich runningaren babesle nagusietako bat bihurtu da, Sevilla, Bartzelona, Madril, Donostia eta Valentziako maratoiei, Bartzelona, Donostia eta Valentziako maratoi erdiei eta Espainiako hainbat hiritan egiten diren Emakumeen Lasterketaren bederatzi edizioei esker.

Zurichek babestutako proba bakoitza ongintzako erakunde edo kausa bati lotuta egongo da, eta hori izango da lasterketan zehar bildutako dohaintzen hartzailea. Proiektua datorren igandean, otsailak 19, hasiko da Sevilako Zurich maratoiarekin, eta dohaintzak Gurutze Gorrira bideratuko dira. Halaber, Edreams Mitja Marató Barcelona egun berean eta Zurich Marató Barcelona martxoan, zeinetan dohaintzak Institut Guttmann Fundazioari emango baitzaizkio.

Maratoia, maratoi erdia eta 10.000 metroko proba biltzen dituen Zurich Rock ‘n’ Roll Running Series Madriden erakunde onuraduna AEFAT izango da (Asociación Española Familia Ataxia Telangiectasia). Donostiako Zurich Maratoi Erdirako eta Donostiako Zurich Maratoirako, dohaintzen hartzailea Espainiako Federazioa Elikagaien Bankua  (FESBAL) izango da. Valencia Trinidad Alfonso Zurich Maratoi Erdiaren eta Valencia Trinidad Alfonso Maratoiaren kasuan, Fundación Amigos de los Mayores eta Fundación Ronald Mcdonald izango dira, hurrenez hurren. Horri Emakumearen Lasterketaren bederatzi edizioak gehitu behar zaizkio. Lasterketa Espainiako hainbat hiritan egingo da 2023an, eta horietako bakoitzerako dohaintzak jasoko dituen ongintzako erakunde edo kausa bat aukeratuko da.

“Runner-en ahaleginari balioa eman nahi diogu, Espainian mota honetako lasterketek duten parte-hartze handia aprobetxatuz, eta, horrela, ongintzako erakunde eta kausa desberdinei ikusgarritasuna eta laguntza eman nahi diegu. Horrela, lasterkariek jakingo dute helmugara iristeak sari bikoitza duela: ez bakarrik beraientzat, baita egindako dohaintzaren onuradun guztientzat ere”, adierazi du Cristina Gomis Rüth Zurich Aseguroseko Erantzukizun Korporatiboko zuzendariak.

Helburua baloreak dituen kirola sustatzea da, lehiaketaren eta elkartasunaren arteko lotura ezarriz, pertsona gehiago lasterketa horietan parte hartzera animatzeko eta, bereziki, helmugara iritsi ahal izateko behar bezala entrenatzeko eta prestatzeko. Z Zurich Foundation lasterketaren dohaintza lasterketa finkatutako gehieneko epean amaitzen duen korrikalari bakoitzak egingo du, probaren antolakuntzaren emaitza ofizialen arabera.

Azken albisteak

Donostiako 2024ko Zurich Maratoirako izena emateko azkeneko aukera

● 500 dortsal baino ez dira gelditzen Donostiako lasterketa honetako distantzia nagusirako ● Orain dela hilabete amaitu zen maratoi erdirako izena emateko aukera, eta 10K probarako izen-emateak soilik jarraituko du zabalik, dortsalak agortzen diren arte ● Gipuzkoako korrikalarientzako promoziozko prezioa aprobetxatzeko azkeneko bi egunak Donostiako 2024ko Zurich Maratoia bere marka guztiak hausten ari da izen-emateetan. […]

Irakurri gehiago

Donostiako 2024-ko ZurichMaratoiak dortsalen % 55 salduditu distantzia nagusirako, etamaratoi erdiaren izen emateaitxi du

Iaz baino ia bi hilabete lehenago, Donostiako Zurich Maratoiak distantzia nagusirako eskuragarri dituen dortsalen erdia baino gehiago agortu dituaurten. 2.500 maratoilarik, eskuragarri dauden dortsalen % 55ek, azaroaren24an Estatuko bigarren maratoi zaharrenaren 46. edizioan parte hartukodutela ziurtatu dute. Era berean, Donostiako maratoiak bere dortsal guztiaksaldu ditu maratoi erdirako; 1.000 parte-hartzaile egongo dira, eta 2 ordukomuga izango […]

Irakurri gehiago

Otsailaren 15ean irekiko dira 2024ko Donostiako Zurich Maratoirako izen emateak

Donostiako Zurich Maratoiak edizio berri bati hasiera emango dio datorren ostegunean, otsailak 15, izen-emateen irekierarekin. Espainiako bigarren maratoirik zaharrenak 46. edizioa ospatuko du aurtengoan, eta sasoi betean egingo du, 2023an partaidetza errekor absolutua hautsi eta gero, 7.300 parte hartzailerekin, eta estatuko bost maratoi handienetako bat izateko hautatua izanda, Valentzia, Bartzelona, Madril eta Sevillarekin batera.  2023an ez […]

Irakurri gehiago

Main Sponsor

Institutional partner

Main Partner

Official Supplier

Charity Partner

Media Partner