26 Azaroa 2023

EU | ES | EN | FR

9 de August de 2021

DONOSTIA MARATOIA, MARTXAN

  • Azaroaren 28an jokatuko da maratoiaren 43. edizioa, eta ukitu berriak izango ditu, berritasun ugarirekin eta RPM-MKTGren eta Donosti Eventosen kudeaketarekin. 

 Datorren azaroaren 28an jokatuko da Donostiako Zurich Maratoia; indarrez eta ilusioz beteta datorkigu, gainera.Espainiako bigarren maratoi zaharrenak eutsi egiten dio bere ohiko datari, eta azaroko azkeneko igandean jokatuko da; baina ukitu berriak izango ditu, RPM-MKTG eta DONOSTI EVENTOSen kudeaketarekin.Batura hori Espainiako indartsuenetakoa bihurtu da, Vocento Taldeak komunikazioaren arloan duen esperientziari eta RPM-MKTGk antolaketaren arloan duenari esker, eta bultzada kualitatibo eta kuantitatibo garrantzitsua ekarriko dio, zalantzarik gabe, Donostiako maratoiari.

Berritasun ugari lantzen ari dira antolatzaileak, hala nola webgune berria eta bezperako egunerako hainbat jarduera, maratoiaren asteburua herritar guztientzako jai handi bat izan dadin. Txikienek Maratoi Txikian parte hartu ahal izango dute, eta haiei lagun egitera datozenek Gosaria Run korrikaldian parte hartzeko aukera izango dute eta, maratoilariekin batera, eta modu lasaian, zangoak askatu ahal izango dituzte eta gosari dibertigarri batekin amaitu.

 Lasterketaren antolatzaile berriek berrikuntzaren aldeko apustua egiten dute, eta lehenengo unetik bertatik ikusiko dugu hori. Izan ere, identitate bisual berria izango du lasterketak, irudi berrituarekin, horren erakargarriak ez diren zatiak aldatu egingo zaizkio lasterketaren ibilbideari, eta gipuzkoarrak inplikatuko dira, ekintza zehatzekin. Beraz, Gosaria Run ekitaldian, animazio-gunean, Maratoi Txikian zein Maratoi Birtualean parte hartuta, guztientzako lekua dago Donostiako Zurich Maratoian.

 1978az geroztik jokatzen da Donostiako Maratoia eta, harrezkero, 2020a izan zen lasterketa egin ez zen urte bakarra, pandemiaren ondorioz. Horregatik, Donostiak inoiz baino gogo handiagoz hartuko ditu berriro atletak, eta Kontxa parean korrika egin ahal izango dute berriro, ranking askok Europako hondartzarik onentzat jotzen duena.Izan ere, maratoiak asko daude, baina Donostia bat bakarra.

 Donostiako Zurich Maratoiak hazten jarraitzeko aukerak dituen etapa berri bati ekin dio RPM-MKTG eta DONOSTI EVENTOS enpresa antolatzaile berriekin. Lehendabizikoak, esperientzia du prestigiodun beste lasterketa batzuetan, hala nola Bartzelonako Zurich Marató maratoian eta Titan Desert proban.Eta Donostiako enpresak, berriz, Donosti Cup eta Enpresen Lasterketan, besteak beste.Aliantza horrek eta Vocento Taldeak komunikazioaren arloan duen indarrak ez diote lasterketaren hazkundeari mugarik jartzen, eta etorkizun oparoa iragartzen diote.

 Antolatzaileek korrikalarien segurtasuna zainduko dute, noski, parte-hartzaileen segurtasuna babesteko beharrezko neurri guztiak ezarriz. Txertaketa-kanpainaren bilakaera ona ikusita, pentsa daiteke normaltasunetik hurbil dagoen testuinguru batean egon gaitezkeela. Nolanahi ere, une hartan, azaroan, osasun-agintariek ezartzen dituzten neurriak hartuko dira lasterketan.

 Milaka atletak berriro gozatuko dute sukaldaritzaren munduko hiriburutzat jotzen den eta munduko xarma handieneko hiriaz. Abuztuaren 2tik aurrera eman daiteke lasterketarako izena, www.zurichmaratonsansebastian.com webgune ofizialean.

 Udazkenean ikusiko dugu elkar.

Eskerrik asko! 

Azken albisteak

Donostiako Zurich Maratoia 45. ediziora iritsiko da 2023an eta gaur irekiko du izena emateko epea

22.02.2023 – 2023 Donostiako Zurich Maratoiak 3 distantzietarako izen-emateak irekiko ditu gaur: 42, 21 eta 10 kilometro. Espainiako bigarren maratoirik zaharrenak 45. urteurrena du aurten, eta sasoi betean da, 2022an 6.000 dortsalak agortu eta Sirwanei Taniu kenyarrak emakumezkoen probako errekorra hautsi ostean. Irteera eta helmuga Donostiako erdigunean mantenduko diraAurreko edizioaren arrakastaren ondoren, 2022an estreinatutako zirkuituari eutsi zaio, hobekuntza batzuekin, non berrikuntza nagusia irteera […]

Irakurri gehiago

Z Zurich Foundationek euro 1 emango du Zurich Donostiaren Maratoiaren finisher bakoitzeko, Zurich Segurosek babestua

Zurich Aseguroak beste urrats bat eman du kirolarekiko eta elkartasunarekiko konpromisoan, Z Zurich Foundationek bultzaturikoa, running proiektu solidario bat abian jarriz. 2020tik, Z Zurich Foundationek Espainian runningean elkartasuna garatzen laguntzea izan zuen helburu, eta aurten bere konpromisoa berritu du, Espainian babesten dituen maratoi, maratoi erdi eta Emakumearen lasterketetan helmugara iristen den parte-hartzaile bakoitzeko euro 1 […]

Irakurri gehiago

Rebecca Sirwaneik Donostiako Zurich Maratoiko errekorra ezarri du, 02:23.09ko denborarekin

Donostiako Zurich Maratoiaren 44. edizioa runningaren jai handia bihurtu da asteburuan. Uste baino lehenago zintzilikatu behar izan zuten antolatzaileek SOLD OUT kartela, agortu egin baitziren 6.000 dortsalak, eta gaur, hiriak egun handi hau ospatu du; jendeak ez du etxean nahi izan, kalera atera dira herritarrak eta goizean goizetik jardun dute atletak animatzen. Emakumeen lasterketa bikaina: […]

Irakurri gehiago

Main Sponsor

Institutional partner

Main Partner

Official Supplier

Charity Partner