Entrenamenduetara itzultzeko aholkuak

Litekeena da oporren ondoren errutinara itzultzeko zailtasunak izan ditzazun; zenbat eta lehenago hasi entrenatzen, orduan eta errazagoa egingo zaizu sasoia berreskuratzea.

Irailak ikasturte berriaren hasiera markatzen du.Denboraldi berri baten hasiera eta, oporren ondoren, errutinetara itzuli behar izaten gara, bai profesionaletara, bai entrenamenduetara.

Zuetako batzuek beste leku batzuetan kirola egiteko edo beste diziplina batzuk ezagutzeko aprobetxatuko zenituzten oporrak, baina beste askok erabat uzten duzue entrenamenduen erritmoa, baita elikadura orekatua alde batera utzi ere.Horregatik, zuen burua motibatzeko eta lehenbailehen berriro zuen kirol-jardunera itzultzeko aholku batzuk uzten dizkizuegu:

1. Murritz itzazu udan horren ohikoak diren alferrikako gehiegikeriak (gasdun eta azukredun edariak, garagardoak, pintxoak, opilak, izozkiak, etab.). Ez da komeni obsesionatzea ere, garrantzitsuena da gehiegikeriarik ez egitea edo ordezko aukera osasungarriak bilatzea.

• Oso garrantzitsua da hidratazioa, ez jarduera fisikoa egiten duzunean bakarrik, baizik eta baita egun osoan zehar ere.Ez zaitez iritsi egarri sentsazioa izatera eta hartu aurrea; oro har, saia zaitez egunean bi litro ur edaten.

• Has zaitez berriro, poliki-poliki, kirola egiten.Bila itzazu entrenatzeko motibatzen lagunduko dizuten helburuak, edo irten zaitez lagunekin korrika egitera, beti da atseginagoa eta errutinetara itzultzen lagunduko digu.Garrantzitsuena da zure kirolik gustukoenaz modu naturalean goza dezazun, zuretzat zigorra bailitzan sentitu gabe.

• Frutak eta barazkiak ere ur-iturri bikainak dira.Ahal den heinean, aukera itzazu sasoian sasoikoak.Elikadura ahalik eta osasungarriena izateak eragin positiboa izango du zure errendimendu fisikoan.Asteko menua planifikatzen baduzu, errazagoa egingo zaizu ondo antolatzea eta zure helburua lortzea.

• Ez zaitez estresatu lanerako itzulerarekin, kalte egingo baitizu.Saihestu azkar eta behar baino gehiago jatea.Otorduen ordutegi egonkorra izateak eta mantso jateak asetasun-sentsaziora lehenago iristen lagunduko dizu.

• Atsedena errespetatzea funtsezkoa da errendimendu ona lortzeko.Egin ezazu behar adina lo eta nahikoa atseden hartu ez baduzu, hobe ez entrenatzea, gutxiegi lo egin ondoren entrenatzea baino.