27 Azaroa 2022

EU | ES | EN | FR

9 de July de 2022

Oporretan entrenatzea, deskonektatzeko gakoa

Oraindik oporrak hartu ez badituzu, ziur gaude datozen egunotan ondo merezitako oporrez gozatu ahal izango duzula. Atseden hartzeko denbora behar dugu, baina baita kirola egiteko ere; horrek eguneroko estresa alde batera uzten eta deskonektatzen lagunduko digu.

Deskonektatzen jakitea oinarrizkoa da gure osasunerako; izan ere, frogatuta dago atsedenik gabeko lan-aldi luzeek maila arriskutsu batera arte areagotu ditzaketela gure antsietatea eta estresa. Hain zuzen ere, lanetik kanpo lan-ingurunearekin harremanetan jarraitzeak atsedena oztopatzen du eta alerta mantentzen gaitu.

Deskonexio hori aurkitzen lagunduko digun faktoreetarako bat kirola egitea da, zalantzarik gabe, eta batez ere korrika egitea, funtsezko jarduera fisikoa baita. Gainera, ikuspuntu psikologiko batetik ez ezik, ikuspuntu fisiologikotik ere lagunduko digu eguneroko estres-maila hori murrizten.

Psikologikoki, distraitzeko aukera ematen digu, eta arreta beste kontu batzuetara bideratzen. Maila fisiologikoari dagokionez, kirolarekin endorfinak askatzen ditu burmuinak, hipofisiak. Horrek ongizate-sentsazio handiagoa ematen digu, min-sentsazioak murriztu eta “zoriontasun-sentsazioa” areagotu. Nekatzeak, gainera, atseden hartzen laguntzen digu.

Askotan, oporretan, errutinak aldatzen ditugunez, alde batera utzi ohi dugu jarduera fisikoa. Beroa, ezagutzen ez ditugun lekuetara joatea, etab. izan ohi dira aste batzuez jarduera fisikoa alde batera utzi izana justifikatzeko argudiorik ohikoenak.

Baina norbere jarrera funtsezkoa da jarduera horri eusteko, beraz, hona hemen zenbait aholku:

• Egin ezazu korrika goizeko lehen orduan edo gaueko azkeneko orduan.
• Hondartza ingurura baldin bazoaz edo igerilekua duen leku batera, aprobetxa ezazu igeri egiteko.
• Edan ezazu ur asko, eta hartu edari isotonikoren bat esfortzua egin ondoren, elektrolito-galera konpentsatzeko
• Nahi duzun lekuan joan zaitezke korrika egitera, mendian zein hondartzan; ez ezazu onartu nagikeriak sofan etzanda utz zaitzan. Kirol-oinetako batzuk eta arropa arina baino ez duzu behar.
• Babes zaitez eguzkitik, luzaro eguzkitan egoteak izan ditzakeen ondorioak saihesteko.

Azken albisteak

Rebecca Sirwaneik Donostiako Zurich Maratoiko errekorra ezarri du, 02:23.09ko denborarekin

Donostiako Zurich Maratoiaren 44. edizioa runningaren jai handia bihurtu da asteburuan. Uste baino lehenago zintzilikatu behar izan zuten antolatzaileek SOLD OUT kartela, agortu egin baitziren 6.000 dortsalak, eta gaur, hiriak egun handi hau ospatu du; jendeak ez du etxean nahi izan, kalera atera dira herritarrak eta goizean goizetik jardun dute atletak animatzen. Emakumeen lasterketa bikaina: […]

Irakurri gehiago

Plangintza

Donostiako Zurich Maratoirako prestaketarako berariazko 12 asteak daude. Gure coacharen plangintza jarraitu baduzu, 3. entrenamendu-astea amaitzear gaude. Garrantzitsua da kontuan izatea plangintza hori prestatuta dagoela zerotik abiatzen ez diren lasterkarientzat, baizik eta planifikazioaren aurreko azken lau asteetan gutxienez entrenatzen aritu den lasterkari aktiboa zarete. Karga inkrementaleko asteak dira plangintzaren ezaugarriak. Entrenamenduak gero eta gogorragoak dira, […]

Irakurri gehiago

Entrenamenduetara itzultzeko aholkuak

Litekeena da oporren ondoren errutinara itzultzeko zailtasunak izan ditzazun; zenbat eta lehenago hasi entrenatzen, orduan eta errazagoa egingo zaizu sasoia berreskuratzea. Irailak ikasturte berriaren hasiera markatzen du.Denboraldi berri baten hasiera eta, oporren ondoren, errutinetara itzuli behar izaten gara, bai profesionaletara, bai entrenamenduetara. Zuetako batzuek beste leku batzuetan kirola egiteko edo beste diziplina batzuk ezagutzeko aprobetxatuko […]

Irakurri gehiago

Main Sponsor

Institutional partner

Main Partner

Official Partner

Official Supplier

Charity Partner